مفتاح کو ٹی وی پر دیکھ کر لوگ ڈر جاتے ہیں، ایاز صادق

June 24, 2022

فوٹو فائل

وفاقی وزیر منصوبہ بندی وترقیات سردار ایاز صادق نے وزیر خزانہ مفتاح اسماعیل سے متعلق دلچسپ تبصرہ کردیا۔

قومی اسمبلی میں اظہار خیال کرتے ہوئے ایاز صادق نے کہا کہ مفتاح صاحب کو ٹی وی پر دیکھ کر لوگ گھبرا جاتے ہیں، مفتاح کو ٹی وی پر دیکھ کر لوگ ایسے ڈرتے ہیں جیسے ڈاکو کا خوف دلا کر بچوں کو سلایا جاتا تھا۔

ایاز صادق نے کہا کہ ایسی بھی نوبت آئی کہ وزیر خزانہ کو باتوں کے ساتھ ہاتھوں سے سمجھانے کی کوشش کی۔

وفاقی وزیر نے یہ بھی کہا کہ وزیر خزانہ نے جو بجٹ دیا وہ ان کا نہیں بلکہ تمام اتحادیوں کا ہے، تمام فیصلے مشاورت سے ہوئے۔

ایاز صادق نے مزید کہا کہ گزشتہ حکومت کے عالمی اداروں کو زبان دے کر انکاری ہونے سے عوام اور حکومت کو مشکلات کا سامنا ہے، ان حالات کے باوجود بہترین بجٹ پیش کیا گیا۔