چین افغان زلزلہ متاثرین کیلئے 7.5 ملین ڈالر کی امداد بھیجے گا

June 25, 2022

چینی امداد میں خیمے، بستر اور دیگر ساز و سامان شامل ہے۔

چین افغانستان میں زلزلہ متاثرین کیلئے 7.5 ملین ڈالر مالیت کی انسانی امداد بھیجے گا۔

خبر ایجنسی کے مطابق چینی وزارت خارجہ کا کہنا ہے کہ افغانستان میں زلزلہ متاثرین کے لیے خیمے، بستر اور دیگر ساز و سامان پر مشتمل 7.5 ملین ڈالر مالیت کی امداد بھیجی جائے گی۔

یاد رہے کہ افغانستان میں منگل اور بدھ کی درمیانی رات 6.1 شدت کے زلزلے سے ایک ہزار سے زائد افراد جاں بحق جبکہ 2 ہزار سے زائد زخمی ہوگئے تھے۔