چیف الیکشن کمشنر سکندر سلطان راجا نے پنجاب حکومت پر واضح کیا ہے کہ ضمنی الیکشن میں ضابطہ اخلاق کی خلاف ورزی برداشت نہیں کی جائے گی۔
الیکشن کمیشن کا کہنا ہے کہ اگر پبلک آفس ہولڈر خلاف ورزی کرے گا تو سخت کارروائی کی جائے گی، الیکشن سے نااہلی اور فوجداری کارروائی بھی ہوسکتی ہے۔
لاہور میں چیف الیکشن کمشنر کی زیرِ صدارت اجلاس ہوا، جس میں ضمنی الیکشن کے انتظامات اور سیکیورٹی امور کا جائزہ لیا گیا۔
چیف الیکشن کمشنر نے چیف سیکریٹری کو ہدایت کی کہ صوبائی حکومت پر واضح کردیں کہ ضابطہ اخلاق کی خلاف ورزی کو برداشت نہیں کیا جائے گا۔