اسپیکر قومی اسمبلی کی جانب سے 4 اراکین کو ایوان سے مسلسل غیر حاضر قرار دینے کے معاملے محمد میاں سومرو نے اسپیکر سے معذرت کرلی۔
پی ٹی آئی کے محمد میاں سومرو نے اسپیکر قومی اسمبلی سے معذرت کا خط اسپیکر آفس کو بھجوا دیا۔
خط میں میاں محمد سومرو نے کہا کہ اپنے حلقے میں بلدیاتی انتخابات کی وجہ سے ایوان میں حاضر نہیں ہوسکا، میری ایوان سے پچھلی غیر حاضری پر چھٹی کی درخواست منظور کی جائے۔
محمد میاں سومرو نے کہا کہ ستمبر کے آخر تک میری ایوان سے چھٹی منظور کی جائے۔
اسپیکر نے محمد میاں سومرو سمیت تحریک انصاف کے 4 ارکان کو مسلسل غیر حاضر قرار دیا تھا، اسپیکر کا کہنا تھا چاروں اراکین کے نہ استعفے ملے اور نہ چھٹی کی درخواست ملی۔
اسپیکر قومی اسمبلی مسلسل غیر حاضر اراکین کی نشست خالی قرار دے سکتے ہیں۔