دنیا بھر میں گرم موسم کی شدت بڑھ گئی ہے اور اسی کو دیکھتے ہوئے جاپان میں کتوں اور بلیوں کے لیے منفرد پنکھے تیار کرلیے گئے ہیں۔
ان ویئر ایبل پنکھوں کا مقصد پالتو جانوروں کو آسمان سے برستی آگ سے تحفظ فراہم کرنا ہے۔
بیٹری پر چلنے والا 80 گرام کا پنکھا، ایک لباس میں نصب ہے اور یہ ڈیوائس جانور کے جسم کو ٹھنڈی ہوا پہنچاتی ہے جسے ایک کمپنی سویٹ مومی نے تیار کیا ہے۔
جاپانی شہریوں کا کہنا ہے کہ پالتو جانوروں کو گرمی سے بچانا کافی مشکل محسوس ہوتا تھا مگر اس پنکھے کے ساتھ انہیں باہر لے جانا آسان ہو گیا ہے۔
جاپان میں ان پنکھوں کی طلب میں نمایاں اضافہ ہوا ہے اور کمی کا امکان بھی نہیں کیونکہ آنے والے دنوں میں درجۂ حرارت مزید بڑھنے کا امکان ظاہر کیا گیا ہے۔