فرمان الہی
نماز کے اوقات
ترکیہ کی ایک مسجد سے دلچسپ منظر کی ویڈیو سوشل میڈیا پر وائرل ہو گئی ہے۔
سوشل میڈیا پر وائرل ویڈیو میں دیکھا جا سکتا ہے کہ جماعت کے دوران مسجد میں نمازیوں کے صف میں ایک بلی بھی موجود ہے۔
نماز کے دوران بلی صف میں آرام سے بیٹھی رہی، کوئی شرارت نہیں کی اور تھوڑی گھبرائی ہوئی بھی لگی پھر جب بلی کے برابر میں نماز ادا کرنے والے بزرگ آدمی نے اپنی نماز مکمل ہونے کے بعد بلی کو اپنے پاس کرکے بٹھایا تو وہ فوراََ ان کے ساتھ کھیلنے لگی۔
اسی دوران مسجد میں موجود ایک دوسرے نمازی نے اس خوبصورت منظر کی ویڈیو بنا کر سوشل میڈیا پر شیئر کر دی اور پھر یہ ویڈیو جلد ہی سوشل میڈیا پر وائرل ہوگئی۔
سوشل میڈیا صارفین کی جانب سے اس ویڈیو کو بہت پسند کیا جا رہا ہے اور اس پر دلچسپ تبصرے بھی کیے جا رہے ہیں۔
بلیوں کی شرارتوں کی اس طرح کی ویڈیوز اکثر سوشل میڈیا پر وائرل ہوتی رہتی ہیں اور صارفین کی خصوصی توجہ کا مرکز بنتی ہیں۔
