خیبر پختونخوا میں سرکاری ملازمین کی تنخواہوں کی ادائیگی سے متعلق صوبائی وزیر خزانہ تیمور جھگڑا نے بیان جاری کردیا۔
صوبائی وزیر تیمور جھگڑا نے کہا کہ تمام ملازمین کی تنخواہیں آئندہ ہفتے بروقت اور بلاتعطل ادا کی جائیں گی۔
تیمور جھگڑا نے کہا کہ صوبہ وفاق کی جانب سے ٹھونسے ہوئے معاشی عدم استحکام کے ساتھ نبرد آزما ہے۔
صوبائی وزیر خزانہ نے کہا کہ وفاق پولیٹیکل اسکورنگ کے لیے صوبے میں معاشی عدم استحکام چاہتا ہے۔
انہوں نے کہا کہ ملازمین کو فکر کی ضرورت نہیں، تنخواہ کی بروقت ادائیگی یقینی بنائی ہے۔