صدر کے خطاب کے دوران حکومتی ارکان کا شور اخلاقیات کی کمی کا ثبوت ہے، عمران اسماعیل

October 06, 2022

رہنما تحریک انصاف عمران اسماعیل کا کہنا ہے کہ صدر کے خطاب کے دوران حکومتی ارکان کا شور اخلاقیات کی کمی کا ثبوت ہے۔

ایک بیان میں انہوں نے کہا کہ صدر مملکت نے خطاب میں تاریخی حوالے دیے جو اہمیت کے حامل تھے۔

ان کا کہنا تھا کہ سیاہ تاریخ رکھنے والے سیاستدانوں کو ڈر تھا موضوع ان کی سیاست سے نہ جڑ جائے۔

عمران اسماعیل نے کہا کہ امپورٹڈ حکومت نے اپنی عادت کے مطابق پارلیمان کے تقدس کو پامال کیا۔

انہوں نے مزید کہا کہ وزراء کے طنزیہ بیانات، تمسخر اور نابالغ فیصلوں سے ملکی جمہوریت بھی خطرے میں ہے۔