اعجاز الحق کا ملک میں فوری انتخابات کرانے کا مطالبہ

November 29, 2022

مسلم لیگ ضیا گروپ کے سربراہ اعجاز الحق نے ملک میں فوری انتخابات کرانے کا مطالبہ کردیا۔

مانچسٹر میں جیو نیوز سے گفتگو کرتے ہوئے انہوں نے کہا کہ نواز شریف برطانیہ میں ہوتے تو ملاقات ہوسکتی تھی۔

اعجاز الحق کا کہنا تھا کہ پاکستان کو مضبوط کرنے کے لیے ایک پلیٹ فارم پر جمع ہونا ہوگا۔

واضح رہے کہ گزشتہ دنوں وزیراعظم شہباز شریف نے واضح الفاظ میں کہا تھا کہ عام انتخابات آئندہ سال اگست کے بعد ہوں گے۔

وزیراعظم کا کہنا تھا کہ میں یہ بالکل واضح کردوں کہ آئندہ انتخابات وقت پر ہوں گے، موجودہ حکومت میں پی ٹی آئی کے علاوہ تمام سیاسی جماعتیں معاشی مسائل سے نمٹنے میں مصروف ہیں۔