بابر اعظم نے انگلینڈ کیخلاف سیریز کو چیلنجنگ قرار دے دیا

November 30, 2022

کپتان قومی کرکٹ ٹیم - فوٹو: فائل

قومی کرکٹ ٹیم کے کپتان بابر اعظم نے انگلینڈ کے خلاف ٹیسٹ سیریز کو چیلنجنگ قرار دے دیا۔

کپتان بابر اعظم کا کہنا تھا کہ انگلینڈ کے خلاف چیلنجنگ ٹیسٹ سیریز ہوگی۔

انہوں نے کہا کہ انگلینڈ بہت جارحانہ مزاج کے ساتھ مختلف طرز کی کرکٹ کھیل رہا ہے، گراؤنڈ میں زیادہ وقت گزار رہے ہیں۔

قومی ٹیم کے کپتان کا کہنا تھا کہ پاکستان کو فائدہ ہے کہ اسکواڈ ممبران فرسٹ کلاس کرکٹ کھیل رہے تھے۔

بابر اعظم کا یہ بھی کہنا تھا کہ ٹیسٹ کرکٹ میں فوکس اور صبر بہت ضروری ہے۔

خیال رہے کہ پاکستان اور انگلینڈ کے درمیان تاریخی ٹیسٹ سیریز کل سے شروع ہو رہی ہے، جس کا پہلا میچ کل پنڈی کرکٹ اسٹیڈیم میں شیڈول ہے۔