پاکستان پیپلز پارٹی کے رہنما اور ایڈمنسٹریٹر کراچی مرتضیٰ وہاب نے کلفٹن میں فیملی پارک کا افتتاح کر دیا۔
اس موقع پر میڈیا سے بات کرتے ہوئے مرتضیٰ وہاب نے کہا کہ پارک میں جھولے لگائے گئے ہیں اور باسکٹ بال کی سہولت بھی دستیاب ہے۔
انہوں نے کہا کہ کراچی کو سرسبز بنانا ہماری ترجیحات میں شامل ہے، مختلف منصوبوں پر کام کر رہے ہیں۔
مرتضیٰ وہاب کا کہنا ہے کہ کے ایم سی کے تحت شہر کے مختلف علاقوں میں پارکس قائم کئے جا چکے ہیں۔
ان کا یہ بھی کہنا ہے کہ کراچی کو صاف ستھرا رکھنا اور درخت پودے لگانا ہماری ذمے داری ہے۔