بنگلادیش کے خلاف دوسرے ون ڈے میچ میں فیلڈنگ کے دوران بھارتی ٹیم کے کپتان روہت شرما کے ہاتھ پر گیند لگ گئی جس کے بعد انہیں ایکس رے کے لیے اسپتال بھیج دیا گیا ہے۔
بھارتی کرکٹ بورڈکے مطابق روہت شرما کو کیچ پکڑنے کی کوشش کے دوران بائیں انگوٹھے پر گیند لگی جس کے باعث ان کی انگلی سے خون بھی نکل رہا تھا۔
بھارتی کرکٹ بورڈ کا کہنا ہے کہ میڈیکل ٹیم نے روہت شرما کی چوٹ کا معائنہ کیا جس کے بعد انہیں اسکین کے لیے اسپتال بھیج دیا گیا ہے۔
رپورٹس کے مطابق روہت شرما کو ایکس رے کے لیے مقامی اسپتال بھیجا گیا ہے۔
روہت شرما کی غیرموجودگی میں نائب کپتان کے ایل راہول ذمہ داریاں سنبھال رہے ہیں۔
واضح رہے کہ 3 ون ڈے میچز کی سیریز میں بنگلادیش کو ایک صفر کی برتری حاصل ہے۔