امریکا نے روس امریکا قیدی تبادلے میں سعودی عرب کی ثالثی کی تردید کر دی، امریکی باسکٹ بال کھلاڑی برٹنی گرائنر اور روسی شہری سابق اسلحہ ڈیلر وکٹر بوٹ آج روس امریکا قیدیوں کے تبادلے میں رہا ہوئے ہیں۔
وائٹ ہاؤس پریس سیکریٹری کیرن جین کا کہنا ہے کہ امریکی باسکٹ بال کی کھلاڑی برٹنی گرائنر کی رہائی صرف روس اور امریکا بات چیت سے ہوئی ہے۔
کیرن جین کا کہنا تھا کہ قیدیوں کے تبادلے کی بات چیت میں صرف امریکا اور روس شامل تھے، قیدیوں کے تبادلے کی بات چیت میں کسی کی ثالثی شامل نہیں تھی۔
اس سے پہلے متحدہ عرب امارات اور سعودی عرب نے مشترکہ بیان میں کہا گیا کہ روس امریکا قیدیوں کے تبادلے میں اماراتی صدر اور سعودی ولی عہد نے ثالثی کی ہے۔