کراچی غربی کے علاقے بلدیہ ٹاؤن میں گھر میں گیس کے دھماکے کے نتیجے میں میاں بیوی اور ان کے 3 کم سن بچے زخمی ہو گئے۔
پولیس کے مطابق واقعہ بلدیہ ٹاؤن کے علاقے گلشنِ مزدور کی ایل پٹی میں پیش آیا جہاں مبینہ طور پر گھر کے اندر سلنڈر پھٹنے یا گیس جمع ہونے سے دھماکا ہوا۔
زخمیوں میں 30 سالہ یاسمین زوجہ عبداللطیف، ان کے بچے 3 سالہ منان خان، سوا سالہ من سلویٰ، 3 ماہ کی بچی رباب اور بچوں کا والد 38 سالہ عبداللطیف شامل ہیں۔
واقعے کے زخمیوں کو ایدھی ایمبولینس کے ذریعے سول اسپتال کے برنس وارڈ منتقل کر دیا گیا ہے۔