سیکریٹری کابینہ سردار احمد نواز سکھیرا ریٹائر ہوگئے، حکومت نے اس حوالے سے خصوصی اعلامیہ جاری کردیا۔
اعلامیے کے مطابق احمد نواز سکھیرا 3 سال بطور سیکریٹری کابینہ خدمات انجام دیتے رہے، انہوں نے 38 سال تک پبلک سروس کی۔
اعلامیے کے مطابق احمد نواز سکھیرا نے اپنے کیریئر میں 23 حکومتوں میں سروس کی، وہ 9 سال تک مختلف وزارتوں میں وفاقی سیکریٹری رہے۔
اعلامیے کے مطابق احمد نواز سکھیرا کو ہلال پاکستان کا قومی اعزاز دیا گیا۔
خیال رہے کہ احمد نواز سکھیرا کو دوران ملازمت نگران وزیر اعلیٰ پنجاب کے عہدے کے لیے نامزد کیا گیا تھا۔