وزیر پیٹرولیم مصدق ملک نے سستا پیٹرول اسکیم سے متعلق آئی ایم ایف کے خدشات پر کہا کہ سبسڈی نہیں قیمتوں کا تعین کرنے والی اسکیم ہے۔
خبر ایجنسی سے گفتگو کرتے ہوئے مصدق ملک نے کہا کہ سستا پیٹرول اسکیم غریبوں کےلیے ریلیف پروگرام ہے۔
ان کا کہنا تھا کہ ریلیف پیکیج کا مسودہ تیار کرنے کےلیے چھ ہفتے کا وقت دیا گیا۔
انہوں نے کہا کہ یہ اسکیم سبسڈی نہیں، آئی ایم ایف نے ہم سے کسی تشویش کا اظہار نہیں کیا۔
مصدق ملک نے مزید کہا کہ سستا پیٹرول اسکیم ویسی ہی ہے جیسے ہم نے گیس کے شعبے میں کیا، گیس سیکٹر میں اسکیم پر آئی ایف ایم نے کوئی اعتراض نہیں کیا تھا۔
ان کا کہنا تھا کہ گیس سیکٹر میں فیول استعمال کی بنیاد پر مختلف قیمتیں مقرر کی ہیں۔
خیال رہے کہ آئی ایم ایف نمائندہ ایسٹر پیریز نے کہا تھا کہ پیٹرول اسکیم سے متعلق آگاہ نہیں کیا گیا۔