سراج الحق نے عمران خان کو منصورہ آنے کی دعوت دیدی

March 25, 2023

فائل فوٹو

امیر جماعت اسلامی پاکستان سراج الحق نے عمران خان کو منصورہ آنے کی دعوت دے دی۔

منصورہ میں نیوز کانفرنس کے دوران سراج الحق نے کہا کہ الیکشن کمیشن نے ملک کو آئینی بحران میں مبتلا کردیا ہے۔

انہوں نے کہا کہ پنجاب کی نگراں حکومت وفاقی حکومتی اتحاد پاکستان ڈیموکریٹک موومنٹ (پی ڈی ایم) کا حصہ بن چکی ہے۔

امیر جماعت اسلامی نے مزید کہا کہ پنجاب کی نگراں حکومت لمبے عرصے تک برسراقتدار رہنے کا پروگرام بنا رہی ہے۔

ان کا کہنا تھا کہ موجودہ حکومت ناکام ہوچکی ہے، اس لیے ایک ہی وقت میں ملک بھر میں الیکشن کرائیں۔