بھارتی کرکٹر شیکھر دھاون نے اپنی شادی کی ناکامی کے بارے میں پہلی مرتبہ کھل کر بات کی اور اس کی ناکامی کی وجہ بھی بتادی۔
بھارتی کرکٹر شیکھر دھاون اور ان کی اہلیہ عائشہ مکھرجی کے درمیان علیحدگی کو کچھ عرصہ ہوا ہے۔
جب سے اس جوڑے کی علیحدگی کی افواہیں شروع ہوئیں، نہ تو کرکٹر اور نہ ہی ان کی اہلیہ نے اس موضوع پر کھل کر بات کی۔
تاہم، ایک انٹرویو میں دھاون نے آخر میں اس موضوع پر کھل کر وضاحت کی کہ کس طرح اس نے اور ان کی اہلیہ نے اپنے الگ راستے پر جانے کا فیصلہ کیا۔
شیکھر دھاون نے اعتراف کیا کہ وہ شادی میں 'ناکام' رہے لیکن وہ دوسروں پر انگلی نہیں اٹھانا چاہتے کیونکہ جو فیصلے انہوں نے کیے وہ ان کے اپنے تھے۔
شیکھر دھاون نے کہا کہ "میں ناکام ہوا کیونکہ حتمی فیصلہ انسان کا اپنا ہوتا ہے۔ میں دوسروں پر انگلیاں نہیں اٹھاتا۔ میں اس لیے ناکام ہوا کہ میں اس سے واقف نہیں تھا۔"
انہوں نے کہا کہ "آج میں کرکٹ کے بارے میں جو باتیں کرتا ہوں، میں اس سے 20 سال پہلے واقف نہیں ہوتا یہ تجربے کے ساتھ آتا ہے۔"
اوپننگ بیٹر نے انکشاف کیا کہ ان کی طلاق کا معاملہ ابھی تک طے نہیں ہوا۔ انہوں نے دوبارہ شادی کے موضوع کو مسترد نہیں کیا لیکن وہ اس وقت اس چیز کے بارے میں نہیں سوچ رہے ہیں۔
شیکھر دھاون نے کہا کہ طلاق کا کیس ابھی چل رہا ہے، کل کو اگر میں دوبارہ شادی کرنا چاہتا ہوں، تو میں اس معاملے میں زیادہ سمجھدار ہوں گا، مجھے معلوم ہو جائے گا کہ مجھے کس قسم کی لڑکی کی ضرورت ہے کوئی ایسا شخص جس کے ساتھ میں اپنی زندگی گزار سکوں۔
انہوں نے کہا کہ اس وقت میری عمر 26-27 تھی اور میں مسلسل کھیل رہا تھا، میں کسی کے ساتھ رشتے میں منسلک نہیں تھا۔
بھارتی کرکٹر نے مزید کہا کہ جب مجھے محبت ہوئی تو میں خطرات کو نہیں دیکھ سکتا تھا، لیکن آج اگر مجھے محبت ہو گئی تو میں آنے والے خطرات کو دیکھ سکوں گا۔
انہوں نے نوجوانوں کو بھی مشورہ دیا کہ وہ اپنے ساتھی کے ساتھ تعلق کا تجربہ کریں اور سمجھیں کہ کیا وہ اپنے ساتھی کی کمپنی سے لطف اندوز ہوتے ہیں۔ اس کے بعد ہی رشتے کو اگلے مرحلے پر لے جانے کا فیصلہ کیا جانا چاہیے۔
شیکھر دھاون نے مزید کہا کہ "نوجوان، جب کسی کے ساتھ تعلق بناتے ہیں، تو انہیں تجربہ کرنے کی ضرورت ہوتی ہے کیونکہ یہ ضروری ہے۔ انہیں جلد بازی میں جذباتی فیصلہ نہیں لینا چاہیے اور شادی نہیں کرنی چاہیے۔"
انہوں نے اس حوالے سے مزید کہا کہ نوجوان اس شخص کے ساتھ کچھ سال گزاریں اور دیکھیں کہ آیا آپ کا رہن سہن ملتا ہے اور کیا آپ ایک دوسرے کی کمپنی میں لطف اندوز ہوسکتے ہیں؟