فرمان الہی
نماز کے اوقات
پاکستان ہاکی ٹیم کے مینیجر انجم سعید پرو ہاکی لیگ سے وطن واپسی پر مبینہ طور پر جہاز میں سگریٹ نوشی کرتے ہوئے پکڑے گئے۔
ذرائع کے مطابق ارجنٹینا سے وطن واپسی پر ٹرانزٹ کے لیے جہاز ایک دوسرے ایئرپورٹ پر رُکا۔
اس معاملے پر ذرائع کا کہنا ہے کہ بتایا گیا کہ جہاز واپسی پر برازیل میں ٹرانزٹ کے لیے رُکا تو جہاز رُکنے پر انجم سعید نے مبینہ طور پر سگریٹ نوشی کی۔
ذرائع کے مطابق جہاز کے عملے نے سگریٹ نوشی پر شکایت کی تو سیکیورٹی عملے نے انجم سعید کو آف لوڈ کردیا۔ بعدازاں مینیجر انجم سعید اور ایک کھلاڑی کے علاوہ باقی تمام اسکواڈ وطن واپس روانہ ہوگیا۔
ذرائع کا کہنا ہے کہ انجم سعید کے معاملے پر پورے اسکواڈ نے خوب منت سماجت کی لیکن سیکیورٹی کے عملے نے ایک نہ سنی اور سگریٹ نوشی کے حوالے سے سخت قوانین لاگو کیے اور انہیں آف لوڈ کردیا۔
واضح رہے کہ قومی اسکواڈ 2 روز قبل وطن واپس پہنچ چکا ہے جبکہ انجم سعید اور ایک کھلاڑی گزشتہ شب وطن واپس آگئے ہیں۔
ذرائع کا کہنا ہے کہ سیکیورٹی اہلکاروں نے انہیں اپنی تحویل میں لیا اور جرمانہ بھی کیا، اثرو رسوخ استعمال بھی کیا گیا تاہم معاملہ جرمانے پر ختم ہوا۔
دوسری جانب انجم سعید نے اس واقعے کی تردید کی ہے۔ ان کا کہنا ہے کہ ایسا کوئی واقعہ پیش نہیں آیا، میں ایک کھلاڑی کے ساتھ واپسی پر دبئی میں کام کے سلسلے میں رُکا تھا۔
