پاکستان تحریکِ انصاف (پی ٹی آئی) کے ایک رہنما اور سابق ایم این اے جمشید تھامس نے پارٹی چھوڑنے کا اعلان کر دیا۔
پشاور سے تعلق رکھنے والے پی ٹی آئی کے جمشید تھامس اقلیتی نشست پر رکنِ اسمبلی بنے تھے اور وہ اقلیتی ونگ کے جنرل سیکریٹری بھی تھے۔
انہوں نے 9 مئی کے واقعے کی مذمت کرتے ہوئے افواج پاکستان سے اظہارِ یک جہتی کیا ہے۔
جمشید تھامس نے پارٹی عہدے سے بھی استعفیٰ دینے کا اعلان کیا ہے۔
واضح رہے کہ پاکستان تحریکِ انصاف (پی ٹی آئی) کے متعدد اہم رہنما حالیہ دنوں میں پارٹی چھوڑنے کا اعلان کر چکے ہیں۔
ان میں سے بعض رہنماؤں نے سیاست سے لاتعلقی و کنارہ کشی تک کا اعلان کر دیا ہے۔