پاکستان کرکٹ ٹیم کے سابق کپتان شاہد آفریدی کو پاک آسٹریلیا ٹیسٹ سیریز میں دلچسپ مقابلے کی توقع ہے۔
ان کا کہنا ہے کہ آسٹریلیا اپنی کنڈیشنز میں بہت خطرناک ٹیم ہے اور آسٹریلیا کی موجودہ ٹیم کا بیٹنگ آرڈر بہت تگڑا ہے۔
شاہد آفریدی نے فاسٹ بولر شاہین آفریدی کو آسٹریلیا کے خلاف پاکستان کا اہم ہتھیار قرار دیا ہے۔
ان کا کہنا ہے کہ آسٹریلیا کی کنڈیشنز میں شاہین آفریدی کو بولنگ کرنے میں مزہ آئے گا، وہ کسی بھی بیٹر کے لیے مشکلات پیدا کرنے کی بھرپور صلاحیت رکھتے ہیں۔
شاہد آفریدی کا کہنا ہے کہ خوش قسمت ہوں کہ آسٹریلیا کے بہترین کھلاڑیوں کے خلاف کرکٹ کھیلی، شین وارن سے بولنگ ٹِپس لیتا تھا، وہ ایک شاندار کرکٹر اور فائٹر تھے۔