میکسیکو میں ہونے والی کراٹے کمبیٹ فائٹ میں پاکستان کے شاہزیب رند نے پیرو کے کیوباس کو شکست دے دی۔
شاہزیب نے حریف کو پہلے ہی راونڈ میں چت کردیا، فائٹ جیو سوپر سے براہ راست نشر کی گئی۔
میکسیکو میں ہونے والی کمبیٹ کراٹے چیمپیئن شپ میں پاکستان کے شاہزیب رند اور پیرو کے کراٹے کاز کیوباس مد مقابل تھے۔
یہ فائٹ 3، 3 منٹ کے 3 راونڈز پر مشتمل تھی لیکن شاہزیب نے پہلے ہی راونڈ میں حریف پر حملہ کیا اور کیوباس چت ہوگئے، شاہزیب رند نے یہ فائٹ باآسانی جیت لی۔
کمبیٹ کراٹے ایونٹ جیو سوپر سے براہ راست نشر کیا گیا۔