فرانس کی پارلیمنٹ کےایوان زیریں میں بالوں کی ساخت کی بنیاد پر کام کی جگہ پر امتیازی سلوک روکنے کا بل منظورکرلیا گیا۔ فرانس میں زیادہ تر سیاہ فام خواتین کو امتیازی سلوک کا سامنا کرنا پڑا ہے۔
رکن پارلیمنٹ اولیور سرووا نے کہا کہ بل کی منظوری کے بعد بالوں کے انداز، رنگ، لمبائی یا ساخت کی بنیاد پر کام کی جگہ پر ہونے والے کسی بھی امتیازی سلوک پر جرمانہ ہوگا۔
تقریباً 20 امریکی ریاستوں میں اسی طرح کے قوانین موجود ہیں جنہوں نے بالوں کے ساتھ امتیازی سلوک کو نسل پرستی کے اظہار کے طور پر شناخت کیا ہے۔
برطانیہ میں مساوات اور انسانی حقوق کمیشن نے اسکولوں میں بالوں کی ساخت کے حوالے سے امتیازی سلوک کے خلاف رہنما اصول جاری کیے ہیں۔