رفح کے مغرب میں گھر پر اسرائیلی حملے میں بچے سمیت 4 فلسطینی شہید اور متعدد زخمی ہو گئے۔
عرب میڈیا کے مطابق جبالیہ پناہ گزین کیمپ میں مسجد پر اسرائیلی حملے میں فلسطینی شہید ہو گیا۔
شمالی غزہ کے علاقے بیت حانون میں اسرائیلی فوجی گاڑیوں نے اسکول کا گھیراؤ کر لیا اور اسکول کے اطراف گولیوں اور دھماکوں کی آوازیں آ رہی ہیں۔
عرب میڈیا کا کہنا ہے کہ اسکول میں سیکڑوں فلسطینی پناہ لیے ہوئے ہیں۔
ادھر نابلس میں تصادم کے دوران اسرائیلی آباد کاروں کے حملے میں دو فلسطینی شہید ہو گئے۔