خیبر پختون خوا کے مشیرِخزانہ مزمل اسلم کا کہنا ہے کہ نئے بجٹ کے لیے تقریباً 1900 منصوبوں پر تبادلۂ خیال کیا گیا۔
یہ بات کے پی کے مشیرِخزانہ مزمل اسلم نے خیبر پختون خوا کے بجٹ 25-2024 ء کے حوالے سے خصوصی گفتگو کرتے ہوئے کہی ہے۔
ان کا کہنا ہے کہ وزیرِ اعلیٰ کے پی علی امین گنڈاپور نے بجٹ عمل کی خود نگرانی کی ہے۔
خیبر پختون خوا کے مشیرِخزانہ مزمل اسلم کا یہ بھی کہنا ہے کہ بجٹ میں 288 نئے منصوبے شامل کیے گئے ہیں۔
واضح رہے کہ خیبر پختون خوا کی حکومت آج مالی سال 25-2024 ء کا بجٹ پیش کر رہی ہے۔
کے پی کے بجٹ کا حجم 17 سو ارب روپے سے زیادہ رکھا گیا ہے۔