اسلام آباد (عاطف شیرازی) وفاقی حکومت نےآئندہ مالی سال کےبجٹ میں اہم معاشی اہداف کے تعین کیلئے پانچ سالہ پلان لانے کی تیاری کرلی،تیرہواں پانچ سالہ پلان منظوری کیلئےقومی اقتصادی کونسل میں پیش کرنےکا فیصلہ کیا گیا ہے، طویل بنیادوں پرمعاشی منصوبہ بندی کیلئے پلان لانے کی تیاریاں کرلی گئی ہیں،وفاقی حکومت نے بجٹ میں پلان منظور کرانےکا فیصلہ کیا ہےحکومتی ذرائع کا کہنا ہے کہ پلان کے تحت اہم معاشی اہداف کا تعین کیاجائیگا ،میکرواکنامک فریم ورک،توانائی،توازن ادائیگی، ترقیاتی بجٹ ، خوراک و زراعت ،آبادی، غربت اور گورننس اصلاحات پلان کا حصہ ہے، پاکستان 2018 سے 5 سالہ پلان کے بغیرچل رہا ہے کیونکہ مسلم لیگ ن، تحریک انصاف اورسابقہ اتحادی حکومت 5 سالہ پلان تیار کرانے میں ناکام رہی تھی۔