ٹوکیو میں پاکستانی سفارتخانے نے ان جاپانی کمپنیوں کے اعزاز میں ایک ورکنگ لنچ کا اہتمام کیا جنہوں نے پہلے ہی پاکستانی ورکرز کو قبول کیا ہے یا عنقریب قبول کرنے کا ارادہ رکھتی ہیں۔
سفیر رضا بشیر تارڑ نے پاکستان پر اعتماد کرنے پر آجروں کی سینئر انتظامیہ کا شکریہ ادا کیا اور کارکنوں کی تعداد بڑھانے کی اہمیت کو اجاگر کیا۔
منیجنگ ڈائریکٹر اوورسیز امپلائمنٹ کارپوریشن پاکستان نصیر کاشانی نے کمپنیوں کو یقین دلایا کہ پاکستان میں ورکرز کو معیاری جاپانی زبان اور ثقافتی تربیت فراہم کرنے کے لیے تمام کوششیں کی جارہی ہیں۔
واضح رہے کہ ٹوکیو میں پاکستانی سفارت خانہ ہنر مندوں کو جاپانی آجروں کے ساتھ منسلک کرنے کے لیے سرکاری اور نجی دونوں طرح کی معلومات فراہم کر رہا ہے۔