اوکاڑہ: مغوی خاتون کو غیرت کے نام پر قتل کیا گیا، ڈی پی او

June 18, 2024

پنجاب کے شہر اوکاڑہ میں مغوی خاتون کی لاش بر آمد کرلی گئی، مقتولہ کو غیرت کے نام پر قتل کیا گیا ہے۔

ڈسٹرکٹ پولیس آفیسر (ڈی پی او) کا کہنا ہے کہ قصبہ 28 ٹو آر میں اغواء کی گئی خاتون کی لاش مل گئی جبکہ ملزم کو گرفتار کرلیا گیا ہے۔

ڈی پی او کا کہنا ہے کہ مقتولہ مقصوداں بی بی کو اس کے رشتہ دار نے اغواء کے بعد گلا دبا کر قتل کیا۔

ڈی پی او کے مطابق ملزم شہزاد کی نشاندہی پر مقتولہ کی لاش برآمد کی گئی، خاتون کو غیرت کے نام پر قتل کیا گیا۔