خوف اور دہشت سے بھرپور فلموں کے دیوانے ہوجائیں تیار کیونکہ تھرل سے بھرپور امریکن فلم بلیئر وِچ (Blair Witch)کا پہلا سنسنی خیزانٹرنیشنل ٹریلر جاری کردیا گیا ہے۔
ایڈم ونگارڈ کی ہدایتکاری میں بننے والی اس فلم کی کہانی کالج میں زیر تعلیم طلبہ کے گرد گھومتی ہے جو ایک پراسرار مخلوق کی حقیقت جاننے کیلئے جنگلات کا رخ کرتے ہیں۔
فلم کی کاسٹ میں جیمز ایلن، ویلوری کری،کیلی ہرنانڈس،برینڈن اسکاٹ اور کوربن ریڈ سمیت دیگر شامل ہیں۔
کیتھ کالڈر کی پروڈیوس کردہ یہ فلم لائنزگیٹ کے بینر تلے 16ستمبر کو سینما گھروں میں نمائش کیلئے پیش کی جائے گی۔