شکار پور میں سندھ اسمبلی کی نشست پی ایس گیارہ پر پولنگ مکمل ہوگئی ہے اور ووٹوں کی گنتی جاری ہے۔
پی ایس 11 کے ضمنی انتخاب کے سلسلے میں پولنگ صبح 8 بجے سے شام 5 بجے تک بغیر کسی وقفے کے جاری رہی۔ تمام 105پولنگ اسٹیشنز کو حساس قرار دیا گیا تھا اورسیکورٹی کے سخت اقدامات کیے گئے تھے۔ پولنگ مجموعی طور پر پرامن رہی اورکوئی ناخوشگوار واقعہ پیش نہیں آیا۔
نشست مسلم لیگ فنکشنل کے امتیاز شیخ کی پیپلز پارٹی میں شمولیت کے باعث خالی ہوئی تھی -