گورنر سندھ ڈاکٹر عشرت العباد نے کہا ہےکہ قیام امن سے ملک میں اعتماد کی فضاء بحال ہورہی ہے۔ پائیدار امن کے لئے نجی شعبے اور کاروباری طبقے کا کردار اہم ہے۔
گورنر سندھ نے ان خیالات کا اظہار سی ای او سمٹ سے اپنے خطاب میں کیا۔ انہوں نے کہا کہ قیام امن میں قانون نافذ کرنے والے اداروں نے اہم کرادار ادا کیا ہے۔ جو کامیابی حاصل کی ہیں انہیں خراب کرنے کا کسی کو موقع نہیں دیں گے۔
انہوں نےکہا کہ ہرپاکستانی کا خواب ہے کہ کراچی، سندھ اور پورے ملک میں امن قائم ہو۔ اس مقصد کے حصول تک اپنی کوششیں جاری رکھیں گے۔
انہوں نے کہا کہ پائیدار امن کے لئے نجی شعبے اور کاروباری طبقے کا کردار اہم ہے۔کاروباری طبقے کو سیکیورٹی کا جو ماحول درکار ہے وہ ا نہیں فراہم کریں گے۔