وزیراعظم کے معاون خصوصی آصف کرمانی نے کہا ہے کہ عمران خان بلوائیوں کے جتھوں کی مدد سے ریاست پاکستان پرقبضہ کرنا چاہتے ہیں۔
انہوں نے کہا کہ وزیر اعلیٰ خیبرپختونخوا کو اپنی آئینی اور قانونی ذمے داریوں کی کوئی پروا نہیں، پرویز خٹک عمران خان کے غیر قانونی حملہ آور جتھے کا حصہ ہیں۔
آصف کرمانی کا کہنا تھا کہ پرویز خٹک پہلے استعفیٰ دیں پھر شوق سے جتھوں کی قیادت کریں، مگرحکومت عوام کے تحفظ کے لیے تمام ضروری اقدامات کرے گی۔