عوامی مسلم لیگ کے سربراہ شیخ رشید نے کہا ہے کہ ان کی مخالفت نواز شریف سے ہےقوم سے نہیں،پی ایس ایل کا فائنل قوم کی خاطر دیکھنے آیا ہوں۔
شیخ رشید ٹرین کے ذریعے پی ایس ایل کا فائنل دیکھنے لاہور پہنچے تو ڈی ایس ریلوے نے ان کا استقبال کیا اور انہیں وزیر ریلوے سعد رفیق کی جانب سے خیر سگالی کے طور گلدستہ پیش کیا ۔
میڈیا سے گفتگو میں شیخ رشید نے کہا کہ لاہور میں پی ایس ایل کا فائنل کرانے کا فیصلہ درست ہے ،یہ پاکستان کے وقار کا مسئلہ ہے۔
انہوں نے مزید کہا کہ آصف زرداری کے منع کرنے کے باوجود میچ دیکھنے آیا ہوں،عمران خان کا اپنا فیصلہ ہے۔
شیخ رشید نے کہا کہ میرے پاس 500 اور 8ہزار روپے والے ٹکٹ ہیں،عوام میں بیٹھ کر میچ دیکھوں گا،نجم سیٹھی نے مجھے کوئی دعوت نامہ نہیں بھیجا۔