اکثر ماں باپ اپنی مصروفیت کے باعث بچوں کاخیال نہیں رکھ پاتے اور ان کی دیکھ بھال کی ذمہ داری کسی بے رحم آیا پر سونپ دیتے ہیں جو ممتا کے جذبے سے عاری ہوکر بچوں کو مارپیٹ کا نشانہ بناتی ہیں۔
ایسا ہی ایک دل دہلادینے والا واقعہ افریقی ملک نمیبیا میں پیش آیا جہاں ایک نینی نے9ماہ کی معصوم ننھی بچی کو اپنے ظلم و ستم کا نشانہ بنا ڈالا۔
چھپے ہوئے کیمرے سے منظر عام پر آنے والی اس ویڈیو میں دیکھا جاسکتا ہے کہ کس طرح یہ ظالم آیا اس ننھی بچی کو جھولے میں زور سے پٹخ رہی ہے جبکہ بچی مسلسل روکر اپنی ماں کو یاد کرتی رہی۔
انسانیت کو شرمندہ کردینے والا یہ افسوس ناک واقعہ کیمرے میں قید کرلیا گیا جس کے بعد اس آیا کو تفتیش کے لئے حراست میں لے لیا گیا ہے ۔