ہمارے ملک کی آبادی کے تناسب سے خواتین کی اکثریت دیہاتوں میں رہتی ہے لیکن افسوس صد افسوس کہ حکومت اور خواتین کیلئےکام کرنے والی این جی اوز کے بلند بانگ دعوئوں کے باوجود دیہی خواتین کی حالت قابل رحم ہے۔ کتنےدکھ کی بات ہے کہ گھریلو کام کاج اور بچوں کی ذمہ داری کے بعد کھیتوں میں کام کاج بھی صنف نازک کی ذمہ داری میں شامل ہے۔ مردوں کا کام صرف ان سادہ لوح خواتین پر حکومت کرنا ہے۔ تعلیم، صحت اور زندگی کی بنیادی ضروریات ان کیلئے برائے نام ہیں۔ ستم بالائے ستم کہ کھیتوں میں کام کرنے کی اجرت میں بھی امتیازی سلوک کیا جاتا ہے۔ خواتین کو برابر کے حقوق فراہم کرنے چاہئیں لہٰذا حکومت بلند بانگ دعوئوں کی بجائے عملی اقدامات کی طرف قدم بڑھائے۔
(ذیشان احمد)
zeeshan.ahmedhotmail.com