حکومت کی جانب سے افغانستان سے پھلوں کی درآمد پر ریگولیٹری ڈیوٹی عائد کیے جانے کےباعث پھلوں کی درآمد معطل ہونے کے دو روز بعد عارضی طور پر درآمد بحال ہو گئی ہے۔
درآمد کنندگان کا کہنا ہے کہ انگور اور انار خراب ہونے کے خدشے کے پیش نظر درآمد عارضی طور پر بحال کر دی ہےکیونکہ پہلے ہی افغانستان میں سودے ہو چکے تھے، مجبوراً مال نکالنا پڑرہا ہے، تین روز کے دوران پھلوں کے 2 سو سے 3 سو ٹرک پاکستان میں داخل ہو چکے ہیں۔
ریگولیٹری ڈیوٹی عائد ہونے کے بعد افغانستان سے پھلوں کی درآمد میں 60 فیصد کمی واقع ہوئی ہے اور مزید کمی کا امکان ہے۔