ایڈونچر کے شوقین نوجوانوں کیلئے شوق کا کوئی مول نہیں ہوتا اور اپنے اس شوق کو پورا کرنے کیلئے وہ ہر خطرے سے لڑ جاتے ہیں چاہے اس دوران اُنکی جان ہی کیوں نہ چلی جائے۔
ویڈیو میں نظر آنے والے اس فرانسیسی جانباز کو ہی دیکھ لیں جو کرتب بازی کا شوق پورا کرنے کیلئے خوشبوؤں کے شہر پیرس کے ایفل ٹاور پرپہنچ گیا ہے۔
فرانس سے تعلق رکھنے والے ایڈونچر کے شوقین ناتھان پولن نامی خطروں کے کھلاڑی نے ایفل ٹاور سے ٹروکیڈیرو اسکوائر تک دریا کے اوپر 200فٹ اونچائی پر بندھی 2198فٹ طویل رسی پر چلنے کا شاندار مظاہرہ کر کے نہ صرف دیکھنے والوں کو حیران کردیا بلکہ نیا عالمی ریکارڈ بھی قائم کردیا۔
واضح رہے پولین وہ پہلا کھلاڑی ہے جس نے کسی شہری مقام پر سب سے طویل رسی پر چلنے کا کارنامہ انجام دیا ہے۔