گزشتہ ہفتے کے دوران سکوک بانڈز کی فروخت کے نتیجے میں سرکاری زرمبادلہ کے ذخائر میں 2 ارب58 کروڑ ڈالرز جبکہ مجموعی طور پر ایک ارب 94 کروڑ 18لاکھ ڈالرز کا اضافہ دیکھا گیا۔
اسٹیٹ بینک کی جانب سے جاری کردہ اعداد و شمار کے مطابق 8 دسمبر کو ختم ہونے والے ہفتے پر ملکی زرمبادلہ کے ذخائر کی سطح 20 ارب 68 کروڑ 67 لاکھ ڈالرز رہی۔
مرکزی بینک کے ذخائر 2 ارب 58 کروڑ ڈالرز اضافے سے 14 ارب 66 کروڑ 63 لاکھ ڈالرز جبکہ کمرشل بینکوں کے ذخائر 6 کروڑ 40 لاکھ ڈالرز کمی سے 6 ا رب 2 کروڑ 4 لاکھ ڈالرز کی سطح پر رہے۔