اسلام آباد کی احتساب عدالت نے سابق وزیر اعظم میاں نواز شریف اور ان کی صاحبزادی مریم نواز کی حاضری سے استثنیٰ کی درخواست مسترد کر دی ۔
نواز شریف اور مریم نواز نے 26مارچ سے ایک ہفتے کے لیے عدالت سے حاضری سے استثنیٰ کی درخواست کی تھی ۔
درخواست میں بیگم کلثوم نواز کی تیمارداری کے سلسلے میں 7دن کے لیے عدالت حاضری سے استثنیٰ مانگا گیا تھا۔
درخواست میں 26 مارچ سے ایک ہفتے کے لیے حاضری سے استثنی ٰمانگتے ہوئے کہا گیا تھا کہ اس دوران مریم نواز کی جگہ ان کے نمائندے جہانگیر جدون پیش ہوں گے۔
درخواست میں یہ بھی کہا گیا تھا کہ استثنیٰ کے دوران نواز شریف کی جگہ ان کے نمائندے علی ایمل عدالت میں پیش ہویںگے۔
بیگم کلثوم نواز کا میڈیکل سرٹیفیکٹ بھی درخواست کے ساتھ لف کیا گیا تھا۔
تاہم احتساب عدالت نے سابق وزیر اعظم اور ان کی صاحبزادی کی حاضری سے استثنیٰ کی درخواست مسترد کر تے ہوئے خارج کردی۔