افغانستان میں سِلک فیبرک پر لکھے قرآن پاک کی تیاری مکمل کرلی گئی ہے۔ خوبصورتی سے لکھے گئے چھ سو دس صفحات پر مشتمل اس کلام پاک کو اڑتیس کیلی گرافرز نے لکھا ہے۔
افغانستان میں ماہ رمضان کے موقع پر سلک پیپر پر لکھے قرآن پاک کو عوام کے سامنے پیش کردیا گیا ہے۔
اس سے پہلے ساتویں اور آٹھویں صدی کے دوران قرآن پاک سلک پرلکھے جاتے تھے۔
آٹھ اعشاریہ چھ کلو گرام وزنی یہ قرآن پاک افغانستان کے کاریگروں کی محنت کا ثبوت ہے، جنہوں نے قرآن پاک کو کیلی گرافی میں لکھنے کو مختلف تجربہ قرار دیا۔