پاکستانی نوبل انعام یافتہ ملالہ یوسف زئی کی زندگی پر بننے والی بھارتی فلم کے پہلے روز کی کمائی ملالہ فنڈ میں دی جائے گی ۔
بھارتی میڈیا رپورٹس کے مطابق اس سلسلے میں فلم کے ہدایتکار امجد خان کا کہنا ہے کہ پاکستانی نوبل انعام یافتہ ملالہ یوسف زئی کی زندگی پر بننے والی فلم کے ایکشن مناظر کی عکسبندی گجرات اور مقبوضہ کشمیرمیں کی گئی ہے اور فلم کے لئے 2سال تحقیق کی گئی اور فلم میں ملالہ کا گھر، اسکول، فرنیچر، کمپوٹر، گھریلو سامان،اسکول یونیفارم اور بیگ دوبارہ تخلیق کئے گئے ہیں۔
انہوں نے کہا کہ وہ وعدہ کرتے ہیں کہ فلم کے پہلے روز کی کمائی ملالہ فنڈ میں دی جائے گی جوبچیوں کی تعلیم کے مقصد کے لئے خرچ کی جائے گی۔ فلم میں چائلڈ آرٹسٹ ریم شیخ ملالہ کا کردار ادا کریں گی۔