پیپلزپارٹی کے رکن سندھ اسمبلی تیمور تالپور نے کالا باغ ڈیم کے خلاف قرارداد اسمبلی میں جمع کرا دی۔
تیمور تالپور کی جانب سے جمع کرائی جانے والی قرارداد کے متن میں کہا گیا ہے کہ کالا باغ ڈیم متنازع ہے اور سندھ کے عوام اس منصوبے کے خلاف ہیں۔
ان کا کہنا ہے کہ قومی اتفاق رائے کے بغیر کوئی بھی ڈیم تعمیر نہ کیا جائے،کالا باغ ڈیم کی ہمیشہ مخالفت کرتے رہیں گے،اس سے ملکی معیشت اور زراعت کو نقصان پہنچے گا۔
سندھ اسمبلی میں میڈیا سے گفتگو کرتے ہوئے تیمور تالپور کا کہنا تھا کہ کالا باغ ڈیم کی مخالفت پر اگر آرٹیکل 6 کا اطلاق ہوتا ہے تو سب سے پہلے گرفتاری دینے کے لئے تیار ہوں۔