وفاقی وزیر اطلاعات فواد چوہدری نے نواز شریف ان کی صاحبزادی مریم نواز اور داماد کیپٹن ریٹائرڈ صفدر کی سزا معطلی اور ضمانت کے خلاف نیب کی اپیل خارج کرنے پر سپریم کورٹ کا فیصلہ قانونی طور پر درست قرار دے دیا۔
فواد چوہدری کا کہنا تھا کہ ضمانت کی منسوخی کیلئے غیر معمولی وجوہات درکار ہوتی ہیں، تاہم اس فیصلے سے عملی صورتحال میں کوئی تبدیلی نہیں آئی ہے۔
ان کا کہنا تھا کہ نواز شریف کی سیاست ہمیشہ کیلئے ختم ہو چکی ہے ،مسلم لیگ ن ایک اہم سیاسی جماعت ہے اور اب انہیں نئی قیادت منتخب کرنی چاہیے۔