ہالینڈ نے اٹلی کو شکست دیکر پہلی بار ویمنز ورلڈ کپ فٹ بال ٹورنامنٹ کے سیمی فائنل میں کھیلنے کا اعزاز حاصل کرلیا جبکہ دفاعی چیمپئن امریکا میزبان فرانس کو ہرا کر پہلے ہی سیمی فائنل کیلئے کوالیفائی کر چکا ہے۔
ہفتے کو ہالینڈ نے اٹلی کو 2-0 سے شکست دی، دونوں گول دوسرے ہاف میں ہوئے، پہلا گول میڈیما اور دوسرا گول وان ڈیر جیراٹ نے کیا۔
قبل ازیں جمعہ کو میزبان فرانس اور دفاعی چیمپئن امریکا کے درمیان پیرس کے اسٹیڈے دا پرنسز میں ٹورنامنٹ کے دوسرے کوارٹر فائنل میں میگن پاپینوئے نے میچ کا پہلا گول پانچویں منٹ میں کرکے ٹیم کو برتری دلائی، پہلے ہاف کے اختتام پر اسکور ایک صفر تھا۔
دوسرے ہاف میں تیزی رہی، 65ویں منٹ میں میگن نے اپنا اور ٹیم کا دوسرا گول کرکے اسکور 2-0 کیا، کھیل کے اختتامی لمحات میں فرانس کا واحد گول رینارڈ نے 81 ویں منٹ میں کیا۔