صدر آزاد کشمیر مسعود خان نے کہا ہے کہ بھارت نے مقبوضہ کشمیر کو جیل اور میدان جنگ میں تبدیل کردیا ہے۔
اسلام آباد میں میڈیا بریفنگ کے دوران مسعود خان نے کہا کہ مودی حکومت اپنے مکروہ اقدامات سے دنیا کو گمراہ کر رہی ہے۔
انہوں نے کہا کہ پانچ اگست کا بھارتی اقدام عالمی قوانین کی خلاف ورزی ہے۔
صدر آزاد کشمیر نے مزید کہا کہ اقوام متحدہ کے چارٹر کے مطابق اس صورتحال سے نمٹنے کے لیے اقدامات کرنا اُن کی بنیادی ذمے داری ہے۔