Advertisement

عمراکمل نے شاہد آفریدی کو پیچھے چھوڑ دیا

October 05, 2019
 

ٹی20 کیریئر میں یہ نواں موقع ہے جب عمر اکمل صفر پر آؤٹ ہوئے ہیں

پاکستانی بیٹسمین عمر اکمل نے کرکٹ کے میدان واپسی کے بعد اپنے پہلے ٹی20 میچ میں صفر پر آؤٹ ہوکر ہم وطن شاہد آفریدی کا ریکارڈ توڑ دیا۔

یہ بھی پڑھیے: ورلڈ نمبر ون پاکستان کو 64 رنز سے شکست

قذافی اسٹیڈیم لاہور میں بابر اعظم کے جلد آؤٹ ہونے کے بعد عمر اکمل اچھی پرفارمنس سے سلیکٹرز کو متاثر کرنے کی امیدیں لیے بیٹنگ کے لیے آئے، لیکن نووان پردیپ نے اُنہیں پہلی ہی گیند پر ایل بی ڈبلیو کردیا۔

ٹی20 کیریئر میں یہ نواں موقع ہے جب عمر اکمل صفر پر آؤٹ ہوئے ہیں یوں انہوں نے ہم وطن سابق کپتان شاہد آفریدی کا ریکارڈ توڑ دیا ہے۔

شاہد افریدی 2006ء سے 2018ء کے دوران اپنے ٹی20 کیریئر میں مجموعی طور پر 8 مرتبہ بغیر کوئی رن بنائے بغیر پویلین لوٹے تھے۔

ٹی20 میں سب سے زیادہ سری لنکا کے دلشان تلکرتنے دس مرتبہ صفر پر آؤٹ ہوئے ہیں۔

یہ بھی پڑھیے: محمد حسنین ٹی20 میں ہیٹ کرنے والے کم عمر ترین بولر

دوسری جانب طویل عرصے بعد انٹرنیشنل کرکٹ میں واپس آنے والے احمد شہزاد بھی اپنے انتخاب کو درست ثابت نہ کرسکے اور صرف چار رنز بناکر اُدانا کی گیند پر کلین بولڈ ہوئے۔

عمر اکمل اور احمد شہزاد کی مایوس کن پرفارمنس پر سوشل میڈیا صارفین نے انہیں شدید تنقیدکا نشانہ بنایا ہے۔


مکمل خبر پڑھیں