کراچی کے علاقے طارق روڈ پر نامعلوم ملزمان کی فائرنگ کے نتیجے میں ایک شخص زخمی ہو گیا، جسے طبی امداد کے لیے جناح اسپتال منتقل کیا گیا ہے۔
پولیس کے مطابق فائرنگ سے زخمی ہونے والے شخص کی شناخت غوث عالم کے نام سے ہوئی ہے جس کی عمر 40 سال ہے۔
یہ بھی پڑھیئے: ٹھٹھہ، رکشے پر فائرنگ، 2 جاں بحق
پولیس کا یہ بھی کہنا ہے کہ زخمی ہونے والا غوث عالم پولیس اہلکار ہے، جبکہ فائرنگ کرنے والے ملزمان باآسانی فرار ہونے میں کامیاب ہو گئے۔
پولیس نے غوث عالم پر فائرنگ کے ملزمان کو گرفتار کرنے کے لیے تفتیش کا آغاز کر دیا ہے۔
جائے وقوع سے گولیوں کے خول اور دیگر شواہد اکٹھے کیے جا رہے ہیں۔