وٹفورڈ (نمائندہ جنگ) پانچ سال کے دوران تیسرے عام انتخابات پرامن طور پر مکمل ہو گئے ہیں۔ وٹفورڈ میں دو بڑی پارٹیوں لیبر پارٹی، کنزرویٹو پارٹی کے امیدواروں کے درمیان کانٹے دار مقابلہ ہوا۔ نتائج کے مطابق کنزرویٹو پارٹی کے امیدوار ڈین رسل 26ہزار ووٹ حاصل کر کے کامیاب ہو گئے۔ جبکہ لیبر پارٹی کے امیدوار کریس اوستروسیکی 21988ووٹ لیکر دوسرے نمبر پر رے جبکہ لب ڈیم کے امیدوار 9223ووٹ لے کر تیسرے نمبر پر رہے۔ ٹوری پارٹی کے امیدوار ڈین رسل نے پہلی بار انتخابات میں واضح کامیابی حاصل کی ہے اس سے قبل اس سیٹ پر ٹوری پارٹی کے سابق ایم پی رچرڈ ہرنگسٹن ہوا کرتے تھے۔ وٹفورڈ کمیونٹی رہنمائوں نے نومنتخب ایم پی ڈین رسل کو انتخابات جیتنے کی خوشی میں مبارکباد دی ہے۔