میلبرن اسٹارز میں شامل پاکستانی فاسٹ بولر حارث رؤف نے ڈیل اسٹین کے نام پیغام میں لکھا ہے کہ میں نے آپ کی ہر خواہش پوری کر دی ہے۔
لاہور قلندرز کی دریافت حارث رؤف آج کل بگ بیش میں دھوم مچا رہے ہیں، میلبرن اسٹارز سے کھیلتے ہوئے انہوں نے گزشتہ روز سڈنی تھنڈرز کے خلاف ہیٹ ٹرک بھی بنائی۔
بگ بیش کے 4 میچز میں 13 وکٹیں اڑا چکے حارث رؤف نے سماجی رابطے کی ویب سائٹ ٹوئٹر پر ساؤتھ افریقا کے فاسٹ بولر ڈیل اسٹین کو دیئے پیغام میں لکھا کہ آپ کی ہر خواہش پوری کر دی ہے ، تیز بولنگ کی، ہیٹ ٹرک کی اور مین آف دی میچ قرار پایا۔
حارث رؤف کا کہنا تھا کہ وہ اپنی پرفارمنس سے بہت خوش ہیں مستقبل میں بھی اس کارکردگی کو برقرار رکھنے کی کوشش کریں گے ۔