پاکستان سپرلیگ کے ٹکٹس کی آن لائن فروخت شروع

ویڈیو رپورٹس
January 21, 2020

Your browser doesnt support HTML5 video.

پاکستان سپرلیگ کے ٹکٹس کی آن لائن فروخت شروع

کراچی(اسٹاف رپورٹر)پاکستان سپر لیگ کے آغاز سے ایک ماہ قبل پیر سے ٹورنامنٹ کے آن لائن ٹکٹوں کی فروخت شروع ہوگئی۔ ملک کے 38 شہروں میں منگل سے ٹکٹ فروخت ہوں گے۔ پی سی بی کے مطابق 20فروری کو نیشنل اسٹیڈیم میں افتتاحی تقریب اور افتتاحی میچ کے لئےٹکٹ ایک سے چھ ہزار روپےجبکہ22 فروری کو فائنل کے ٹکٹوں کے نرخ پانچ سو سے پانچ ہزار روپے مقرر کئے گئے ہیں۔ کراچی میں 20 فروری سے وی آئی پی ٹکٹ 6 ہزار، پریمیم 4 ہزار کی ہوگی، فرسٹ کلاس ٹکٹ ڈھائی ہزار اور جنرل ٹکٹ ایک ہزار روپے کے ہوں گے۔ پی ایس ایل کے فائنل تک وی آئی پی ٹکٹ کی قیمت 5 ہزار ہوگی، 22 مارچ سے فائنل تک پریمیم ٹکٹ 3 ہزار روپے کی ہوگی۔فرسٹ کلاس کی ٹکٹ ڈیڑھ ہزار اور جنرل ٹکٹ 500 روپے کا ہوگا، واضح رہے کہ پاکستان میں پہلی بار پی ایس ایل کے تمام 34 میچ ہوں گے۔